Takk for i år, velkommen tilbake 5. - 9. august 2020!

Kalottspel 2019 er historie, og det blei virkelig ei historie å fortelje vidare. I ei veke var det musikk, dans og samvær på Mellembygd Kultur og Oppvekstsenter i Målselv.

Mandag 5. august starta Arktisk Takt og FolkBand Spelemannslag med kursing, onsdag starta gjengen i FolkBand Kurs, torsdag Kalottspel for Unger, og resten av vek gjekk det slag i slag. Konsertprogrammet starta torsdagskvelden med lokale slåttar, finsk musikkfyrverkeri og elvesafari i strålande vær. I alt 32 arrangement har vore avholdt, og det totale besøkstallet er på hele 2800, en økning på nesten 1000 fra året før.

Festival for alle
Kalottspel har som mål å være ein møteplass for unge og gamle, amatørar og profesjonelle. Årets program hadde heile spennet frå KalottSprell for dei yngste (0-6 år), til turné på eldreinstitusjonar med Den Kulturelle Spaserstokken. Det har vore arrangement for familiar, og kurs og konsertar for folk i alle aldre. På scenen har det stått artistar i toppklasse frå Noreg, Sverige, Finland, Russland, Skottland og Shetland. Dei har delt scena med ungar og ungdom frå regionen, Snaustrinda studentspelmannslag frå Trondheim, ein musikkglad gjeng frå Nord-Sverige og mange fleir. Dei har alle lært av og inspirert kvarandre, i møte både på og bak scena. Det har vore omkring 90 frivillige i sving med baking, roing, kjøring, rigging, speling, dansing og mykje anna.

Fornøgd
Daglig leder av Kalottspel, Nina Fjeldet, er godt øgd med årets festival: -Vi har hatt huset fullt av glade folk heile veka, og fått mange gode tilbakemeldingar på årets program. Vi har hatt nokre intense dagar med masse folk i sving. Sjølv har eg både ledd, grått, smilt og lært mykje denne veka. Ein er alltid spent på førehand, men når folk kjem og vi er i gang, kjennes det som om det er over på eit blunk. Nå er jeg sliten og fornøgd!  

Kalottspel 2020 - 50 år!
Neste år fyller Kalottspel 50 år. Det skal sjølvsagt feires. Vi kan allereie no avsløre at det er lagt finfine planar for festivalen, så det er berre å halde av datoen 5. - 9. august 2020! Det vil kome eit par drypp i løpet av hausten, så vil programmet i si heilheit sleppes våren 2020.

Vi sender ein stor, varm og audmjuk takk til alle våre artistar, publikum, kursdeltakarar og frivillige! Det er heilt fantastisk å få lage festival med så utrule mange kule, artige, flinke, dyktige, livsglade, inspirerande personar til stades! Vi gler oss til neste år!

For fleire glimt frå festivalen, sjekk albumet “Kalottspel 2019” på facebooksida vår:

https://www.facebook.com/pg/kalottisoi/photos/?tab=albums

KulTur på Målselva 2019. Foto: Reidulf Larsen

Hekla Stålstrenga fylte huset laurdagskvelden. Foto: Odd-Inge Larsen